Woar is de greinsstien bee’j ut Schultehuus eblee’m ?

De redactie van ut Deevers Archief hef de kleur’nfoto, woarop ai könt seen un greinsstien van de gemiente Deever bee’j ut Schultehuus an de brink van Deever, emeuk’n op 13 november 1998.
De redactie hef de kleur’nfoto woarop ai könt seen de hiele veurgevel van ut Schultehuus, toevallug ok emeuk’n op 13 november, moar in ut joar 2014. Op dizze foto is de greinsstien van de gemiente Deever jammer genog neet meer te seen.
Sul ut wat te maek’n hem’m mit de edwöng’n fusie van de freeje gemiente Diever mit de noabergemient’n Dwingel, Vledder en Oavelte op 1 janneworie 1998 ? Op die dag möss’n gemientearbeiders mit gezwinde hoast alle greinsstien’n van de gemiente Deever bee’j de greinse mit de noabergemienten weghael’n en aachter ut gemientehuus van de gemiente Deever vursèmel’n un lèter hen um puinbreker offevoert te wödd’n. Is dizze greinsstien toe veilig estelt deur un echte Deeverse en lèter toe de kust veilig was bee’j ut Schultehuus neer ezet ?
De grote vroag’n bint now: wie drukte de greinsstien aachterover en woar is dizze greinsstien eblee’m ?
Wie ut wet, die möt ut de redactie meld’n !

This entry was posted in Schultehuis, Wapen van de Gemeente Diever. Bookmark the permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *